Partia Demokratike akuzon ish-kryeminsitrin Sali Berisha se po bashkëpunon me Vangjush Dakon dhe njerëzit që mbështesin Ramën për zgjedhjet e 6 marsit.
Sipas PD, në Durrës Berisha po negocion për të ndarë territoret me Dakon, ndërsa në Shkodër po ia bëjnë fushatën njerëzit e PD.
Postimi i PD
Dite e re mashtrim i ri. Non grata mundohet të fshehë aleancën e tij të non gratave dhe me krimin, me gënjeshtra ordinere.
Non Grata duhet t’u tregojë demokratëve, pse njerëzit e Qifes drejtojnë fushatën e tij në Vorë dhe Rrogozhinë?!
Pse njerëzit e tij negociojnë për të ndarë territore me Vangjush Dakon?
Pse njerëzit e Tom Doshit bëjnë fushatë për të në Shkodër?
Çfarë pazari ka bërë non grata me Qifen, Dakon e Doshin, që nuk u përmendi dot as emrin?!
Të tjera pyetje kemi për non gratën që po përdor mekanizmat, biznesmenët dhe kriminelët e Edi Ramës për vota.
Me mashtrime dhe gënjeshtra, non grata nuk u fshihet dot demokratëve. Ata e dinë mirë që ai është gati ta shkatërrojë PD për hallin e tij.
Prandaj vota për Berishën dhe Metën, mban Ramën./ Opinion.al
