Menjëherë pas fitores së Bashës, si kryetar i rizgjedhur i kësaj Partie, PD paralajmëron fillimin e opozitës me kohë të plotë që prej 26 korrikut. Në një shkrim të publikuar në variantin online të “Rilindjes Demokratike”, organ zyrtar i PD-së, paralajmërohet se në datën 26 korrik opozita do të nisë punë me kohë të plotë.
Bëhet me dije se pikërisht në këtë datë, PD-ja pritet të organizojë një nisëm për të kundërshtuar sipas saj “rritjen e çmimit të ujit të pijshëm për qytetarët e Tiranës me 35% pa bërë asnjë konsultim dhe pa dhënë asnjë arsye se përse duhet rritur ky çmim në mënyrë kaq drastike”.
