Partia Demokratike ka paditur Kuvendin e Shqipërisë në Gjykatën Kushtetuese. Këtë fakt e ka bërë të ditur sekretari i Përgjithshëm i PD, Gazment Bardhi, i cili në një reagim në rrjetet sociale ka shkruar se mazhoranca i paracakton anëtarët e Këshillit të Lartë të Prokurorisë.
“Mazhoranca paracakton anëtarët e Këshillit të Lartë të Prokurorisë. Kuvendi shkeli Kushtetutën dhe ligjin në zgjedhjen e anëtarëve të Këshillit të Lartë të Prokurorisë, duke bërë proces fiktiv shorti, ku për dy vende vakante në “short” u hodh vetëm një kandidat!
PD do të ankimojë në Gjykatën Kushtetuese vendimin e sotëm antikushtetues. Drejtësia e pavarur është element kyç për shtetin ligjor”-thotë Bardhi në reagimin e tij./Opinion.al
