Aktualitet

PD nxjerr videon e Berishës dhe Metës:Pengje të korrupsionit mbajnë njëri-tjetrin



Bëhu pjesë e Grupit Zyrtar të Opinion.al
>> KËTU <<
               Publikuar në : 15:15 - 11/02/22 |
Opi Nion

Teksa ka publikuar një video të mëparshme, kur Sali Berisha përplasej me Ilir Metën në Kuvend, Partia Demokratike shkruan sot se Presidenti Meta dhe ish-kryeministri, Berisha janë “pengjet e korrupsionit që mbajnë njëri-tjetrin”.

Sipas PD, non grata të shpallura e të pa shpallura, janë bashkë, sulmojnë Partinë Demokratike pasi duan shkatërrimin e saj.

Më tej, PD lidhur me votimin e djeshëm për zgjatjen e afateve të vettingut shkruan se LSI dhe deputetët që mbështesin ish-kryeministrin Berisha “u fshehën që të mos votojnë edhe pse mbushën dynjanë se do votojnë kundër në parlament”.

“Pengjet e korrupsionit mbajnë njëri-tjetrin, se po ra njëri bien të gjithë. Kjo është arsyeja që non grata të shpallura e të pa shpallura, janë bashkë, sulmojnë PD, duan shkatërrimin e PD. Sillen si burracakë, e frikacakë, siç bënë një ditë më parë kur u fshehën që të mos votojnë edhe pse mbushën dynjanë se do votojnë kundër në parlament. Shajnë e mashtrojnë, pastaj fshihen që të harrohen. Tashmë demokratët e dinë, shqiptarët e dinë, se e shkuara kërkon të mbajë peng Shqipërinë për hallet e veta. Prandaj është e qartë se po mbështete Berishën dhe Metën, mban Ramën”, shkruan PD./Opinion.al

Pas