Partia Demokratike ka publikuar një video në rrjetin social “Facebook”, ku sulmon presidentin Ilir Meta, kryeministrin Edi Rama dhe ish-kryeministrin Sali Berisha.
Duke iu referuar Berishës, PD shkruan se çdo ditë një mashtrim i ri nga “non grata”.
“Ditë e re, mashtrim i ri.
Non grata vjen vërdallë nëpër Shqipëri duke përdorur kandidatët e Shtëpisë së Ilirit për hallin e tij.
Non grata nuk mund të pranojë njeri tjetër prandaj kudo është ai, si kandidat, si kryetar, si udhëheqës, sa edhe Enver Hoxha do i’a kishte zili. Edhe emrat e pseudokandidatëve i prezanton me foton e tij. Sa më shumë i shtohen hallet, aq më shumë i shton mashtrimet. Siç bëri kur si një frikacak tha se do votonte kundër e kur erdhi koha e votës iku si burracak.
Demokratët e dinë se ai ka hallin e tij, ashtu se si edhe me 8 janar, qëllimi i tij është shkatërrimi i Partisë Demokratike.
Sot çdo shqiptar e ka të qartë: nëse mbështet Berishën e Metën, mban Ramën”-shkruan PD./Opinion.al
