Partia Demokratike ka denoncuar kreun e Bashkisë së Tiranës, se ka vetëm propagandë sa i përket mencave sociale. Ish-deputetja Orjola Pampuri në një deklaratë për mediat, duke nxjerrë edhe video të një emisioni investigativ, tha se të sigurosh një pjatë në mencat sociale të Erion Veliajt është më e vështirë dhe ka më shumë burokraci seaa të gjesh një punë.
“Në rrugët e Ttiranës në këto ditë të ftohta dimri gjen plot njerëz që enden rrugëve, të pamundur për t’u ushqyer apo për të siguruar një çati ku të shmangin të ftohtin. Ata i duhen kryemashtruesit të Tiranës vetëm për festa, që të verë përparësen, të marrë garuzhden, e të shesë një realitet të rremë, kur, në të vërtetë, pjatën e ngrohtë e pengon një mal me burokraci. A mund të presë uria, nevoja për ushqim, kohën për të plotësuar dokumentacionin? A mundet një njeri që troket për të kërkuar një pjatë supë, të gënjejë për gjëndjen e tij, ndërsa punonjësja nuk i ofron ushqimin dhe kërkon të investigojë më tej për të përmes një komisioni!”, deklaroi zonja Pampuri.
Sipas saj, kjo video “është fytyra e vërtetë e Erion Veliajt, fytyra e zezë e një kryemashtruesit të pashpirt që kujdeset vetëm për t’i dhënë leje ndërtimi trafikantëve të drogës, klientëve të vet dhe të Edi Ramës”./ Opinion.al
https://www.facebook.com/partiademokratike/videos/507763700092084/
