Aktualitet

PD, një meme dhe një përgjigje për fundjavën e Ramës në Paris


Bëhu pjesë e Grupit Zyrtar të Opinion.al
>> KËTU <<
               Publikuar në : 18:31 - 31/05/20 |
Opi Nion

Partia Demokratike i është përgjigjur këshilltarit të Kryeministrit Rama, lidhur me udhëtimin e këtij të fundit në Paris. Jo vetëm kaq, por këtë qëndrim e ka shoqëruar edhe me një meme me foton e Ramës ku shkruan: Për ju fundjavë pa makina, për mua fundjavë me avion.

Më herët PD kishte akuzuar se Kryeministri po përdorte si charter avionin e “Air Albania”, për qëllime private. Por ndërsa Drejtorit i Komunikimit në Kryeministri ka reaguar duke njoftuar se 24 orët e Ramës në Paris kanë qenë për arsye pune, PD sërish pyet: Pse?

“E turpshme është që Edi Rama të harxhojë me mijëra euro për luksin personal, kur shqiptarët i ka lënë në pikë të hallit. E turpshme është që Edi Rama te udhëtojë si hajdut me charter personal dhe ta mbajë të fshehtë arsyen. E turpshme është të justifikosh luksin dhe vjedhjen e Ramës, duke akuzuar opozitën që zbuloi të vërtetën e udhëtimit në fundjavë prej 100 mijë euro me avion privat. Edi Rama nuk mund të fshihet. Ai ka udhëtuar me avion privat në fundjavë në Francë. Pse?”, thuhet në deklaratën e PD.

Pas akuzave të ngritura sot nga PD, se Kryeministri Rama gjatë një fundjave në Paris ka përdorur avionin e “Air Albania” si një charter privat, ka reaguar Drejtori i Komunikimit në Kryeministri. Përmes një publikimi në rrjetin tuiter, Endri Fuga e ka cilësuar të turpshme akuzën. Ai thote se me një marrëveshje të posaçme me kompaninë, avioni përdoret vetëm për arsye pune.

“E turpshme akuza për udhëtimin 24orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin!”, shkruan Fuga./Opinion.al

 

Pas