Pas tensioneve mes mazhorancës dhe opozitës në seancën e sotme parlamentare për reformën zgjedhore, Partia Demokratike ka vendosur të ngrejë një grup pune për të analizuar rregulloren e Kuvendit.
Kjo për shkak se PD pretendon se mazhoranca po i ngushton hapësirat opozitës.
Në mbledhjen e grupit parlamentar, PD është shprehur se do të përdorë çdo hapësirë që i garanton rregullorja e kuvendit për të diskutuar dhe debatuar për zgjedhjet.
Seanca e ditës sotme nisi me debate për ngritjen e Komisionit të Reformës Zgjedhore, pasi opozita këkonte që të diskutohet për këtë çështja, ndërsa mazhoranca nuk pranoi.
Pas kësaj situata deputetët e PD, bllokuan foltoren e Kuvendit, duke bërë që seanca të ndërpritej disa herë, për tu rimbledhur në orën 18:00 ku opozita mbante të bllokuar foltoren.
Në këto kushte, mazhoranca miratoi rendin e ditës, ndërkohë që deputetët e opozitës qendronin në këmbë.
