Aktualitet

“PD në tranzicion”, Kim: Nuk ecet përpara me një këmbë në të shkuarën


Bëhu pjesë e Grupit Zyrtar të Opinion.al
>> KËTU <<
               Publikuar në : 17:12 - 24/09/21 |
Opi Nion

“PD nuk mund të ecë para nëse mbetet e bllokuar me një këmbë në të shkuarën”. Kështu ka deklaruar ambasadorja e SHBA, Yuri Kim në një prononcim për mediat pas takimit me Bashën, duke i kthyer përgjigje ish-kryeministrit, Sali Berisha.

Kim po ashtu theksoi se PD ndodhet në një pozitë të vështirë dhe është në proces tranzicioni, por shpreson të dali më e fortë dhe e bashkuar dhe të fitojë sërish zgjedhjet.

“Gjithashtu e kuptojmë fare mirë që PD ndodhet në një pozitë të vështirë dhe është në proces tranzicioni, por shpresojmë të dali më e fortë dhe e bashkuar dhe të dali në një opozitë që të mund të fitojë sërish zgjedhjet.  Dëshiroj të konfirmojë se për sa i përket Washingtonit jemi serioz në luftën ndaj korrupsionit dhe pandëshkueshmërisë dhe jemi të gatshëm ta luftojmë pavarësisht partisë, nivelit dhe rangut se ku ndodhet”, tha Kim.

 Më tej ambasadorja vijoi deklaratën duke thënë: Pozita jonë për sa i përket pavarësisë dhe demokracisë nuk ka për të ndryshuar. Ka veprime që duhet ndërmarrë për tu siguruar që të kemi zgjedhjet më të mira të ardhshme dhe ka mangësi të identifikuara në reformën zgjedhore, ka punë për të bërë për reformën territoriale dhe korrupsionin dhe kjo ka nevojë që të ketë një PD të fortë dhe të bashkuar dhe të bëjë para. Por nuk mund të bëhet para nëse njëra këmbë ka mbetur e bllokuara në të shkuarën”./Opinion.al

Pas