Kryesore

PD në Lezhë: Tokat e përmbytura, askush nuk shkon për të vlerësuar dëmet


Bëhu pjesë e Grupit Zyrtar të Opinion.al
>> KËTU <<
               Publikuar në : 11:48 - 14/01/21 |
Opi Nion

Ish deputetja e PD, Lindita Metaliaj ndodhej sot në Spiten të Lezhës e cila është përfshirë nga përmbytjet të cilët përfshinë disa zona të vendit.

Sipas ish-deputetes, në këtë zonë tokat janë të përmbytura prej 10 ditësh, por deri më tani asnjë nga instancat shtetërore nuk ka shkuar për të vlerësuar dëmet.

 “Asnjë nuk ka vënë dorë 8 vjet e këtej. Vetëm duke ecur indietro. Shesim 350 lekë 1 litër qumësht, më pak se 1 litër ujë.”-  është shprehur një banor gjatë bashkëbisedimit me Metaliajn, i cili ka humbur gjithë pularinë dhe të mbjellat për shkak të bllokimit të kanaleve.

“Vijnë vetëm para zgjedhjeve, heqin ca kallama, por kanalet nuk hapen, kur ka përmbytje në dimër, por muaj më parë”- shpjegoi një banor më profesion agronom.

“Asnjë ndihmë, asgjë. Edhe kur vijnë, vijnë me kollare dhe aty ku nuk ka ujë”- tha një banor tjetër.

Ndërkohë, përfaqësuesja e PD, Lindita Metaliaj iu ka thënë banorëve se në zgjedhjet e 25 prillit ata duhet të votojnë për një qeveri që punon për qytetarët.

“Në 25 prill, të bashkuar do ta ndryshojmë për të sjellë një qeveri që nuk punon për të trefishuar pasuritë si kjo e sotmja, por për të punuar për njerëzit”- ka thënë Metaliaj./ Opinion.al

Pas