Partia Demokratike, të hënën, mblodhi grupin parlamentar ku diskutoi qëndrimet që do të mbahen pas publikimit të përgjimit të vëllait të ministrit të Brendshëm, Fatmir Xhafaj.
Mësohet se krejt ndryshe nga sa kanë vepruar prej më shumë se një muaj, deputetët demokratë ditën e nesërme do të jenë pjesë e komisioneve parlamentare për të denoncuar ministrin Xhafaj, aq sa edhe për të bërë të qartë qëndrimin se nuk do të ketë normalitet nëqoftëse deri të enjten nuk ka reagim nga ana e mazhorancës, duke lënë të kuptohet se do ketë aksion me protesta deri në bojkot.
