TIRANË- Me një tubim paqësor të të rinjve përpara parlametit, Partia Demokratike mbylli protestat…por vetëm për këtë vit. Lideri demokrat Lulzim Basha duke folur në përmbyllje të kësaj proteste tha se në janar kthehemi ndryshe. Ai u premtoi të rinjve se puna e parë që do të bëjë sapo të marrë drejtimin e qeverisë do të jetë shfuqimzimi “i ligjit klientelist për arsimin e lartë”.
Sot jemi para sporvës më të madhe që zoti na ka vënë që nga regjimi kominist tha Basha. “Asgjë nuk ndodh rastësisht. Besoj se vullneti i Zotit gjithmonë bëhet dhe besoj se ky vullnet është sprovë që duhet kaluar qindra herë si shoqëri dhe si komb. Përtej korrupsionit, vjedhjes dhe hajdutërisë, jeni ngritur për sprovën e madhe para së cilës Zoti po e vendos përsëri Shqipërinë. 25 vite më parë përmbysëm një regjim, që i konsideronte shqiptarët skllevër. Sot, me sjelljen e tyre, qeveria ka ndërtuar një regjim të dytë kriminal që ligjin e zbaton vetëm për fermerë e berberë, por jo për ministrat milionerë. Janari i vitit të ardhshëm do të jetë nisja e aksionit më të madh kundër korrupsionit në 25 vite. Ta kthejmë në ferr çdo minutë të të korruptuarve”, deklaroi lideri demokrat.
