Më shumë së 20 deputetë demokratë kanë firmosur për shkarkimin e Enkelejd Alibeaj si kryetar i Grupit Parlamentar të PD. Lajmin e bën të ditur gazetari Enkel Xhangoli në një raportim për Klan News, ku tha ndër të tjera se tashmë është çështje procedurale shkarkimi i tij.
Sikurse mëson Opinion.al kjo ka qenë një nismë e deputetit Ervin Salianji.
“20-21 vota mjaftojnë për të shkarkuar Enkelejd Alibeaj si kryetar i Grupit Parlamentar. Firmat janë mbledhur madje janë tejkaluar. Procedurat do të bëhën përmes një shkrese drejtuar Kuvendit”-tha gazetari Enkel Xhangoli.
Kujtojmë se ditën e djeshme vetëm pak ditë para nisjes së sesionit të ri parlamentar, me anë të një njoftimi për mediat, Enkeled Alibeaj bëri publik përjashtimin e katër deputetëve Oerd Bylykbashi, Belind Këlliçi, Tritan Shehu dhe Agron Shehaj nga grupi parlamentar i PD-së me argumentin se nuk janë distancuar nga dhuna e ushtruar ndaj PD-së.
