Partia Demokratike do të mbajë sot Kuvendin Kombëtar, i cili pritet të nisë në orën 10:00 në Pallatin e Kongreseve. Të ftuar në Kuvend do të jenë personalitete, diskutantë, përfshirë kontributorë të PD, themelues, por edhe prurje të reja.
Në Kuvendin e sotëm, janë ftuar ish-bashkëpunëtorët Arben Imami e Jozefina Topalli, dhe të larguarit e fundit nga PD, si Rudina Hajdari e Myslym Murrizi, si dhe të gjithë deputetët e tjerë të demokratë.
Kuvendi i 30 prillit do të ketë 1800 delegatë si dhe rreth 20 folës që do të përcjellin mesazhet e tyre, mes të cilëve të rikthyerat Hajdari e Topalli, ndërsa do të kulmojë me fjalën e ish kryeministrit Berisha.
Po ashtu sikurse theksoi drejtoresha e Komunikimit të Grupit të Rithemelimit, Floriana Garo në Kuvendin e sotëm do të zgjidhet Këshilli i ri Kombëtar i PD-së, i cili do të votohet në orën 14:00.
Kuvendi pritet të votojë edhe një sërë ndryshimesh statutore, mes të cilave edhe përfshirjen automatikisht në Këshillin e ri Kombëtar të deputetëve të grupit, si dhe rikthimin e një sërë personaliteteve të larguar ndër vite.
Sakaq, delegatët do të vendosin me votën e tyre mes 21 dhe22 Majit për datën e zgjedhjes së kreut të ri të Partisë Demokratike.
