Kryetari i Partisë Demokratike Lulzim Basha ka mbledhur sot Kolegjin e Kryetarëve për të hartuar strategjinë e protestave të ardhshme. Burime nga selia blu, bëjnë me dije se e shtuna e 11 majit është vendosur si data për protestën e madhe të opozitës. Ashtu si në rastin e 13 prillit, edhe më 11 maj protesta do të zhvillohet pasdite, në orën 18:30.
Ndërkohë, do të vijojnë edhe protestat më të vogla pranë Parlamentit, sa herë që do të ketë seancë plenare. Protesta e 11 majit do të jetë protesta e katërt e madhe e opozitës që prej dorëzimit të mandateve. Protesta e parë u mbajt më 16 shkurt, e dyta më 16 mars dhe e treta më 13 prill./Opinion.al
