Dita e sotme shënon afatin e fundit për regjistrimin e komisionerëve dhe duket se opozita ka dashur të respektojë këtë afat ligjor edhe pse ka deklaruar se nuk do të jetë pjesë e zgjedhjeve lokale të 30 qershorit.
Degët lokale të PD dhe LSI kanë nxituar ditën e sotme drejt KZAZ-vë të ndryshme të vendit për të dorëzuar listat me emrat e komisionerëve për në qendrat e votimit.
Disa prej tyre nuk kanë pranuar që të marrin në dorëzim listat e tyre, ndërsa disa të tjera, në Shkodër, Selenicë apo edhe në Korçë i kanë pranuar listat e dorëzuara nga PD dhe LSI, por ende nuk janë shprehur me vendim nëse do t’i pranojnë kandidatët e opozitës si komisionerë të qendrave të votimit.
Kujtojmë se më herët Komisioni Qendror i Zgjedhjeve, nuk pranoi të regjistronte anëtarët e opozitës në KZAZ, për sa kohë ato nuk janë regjistruar si subjekte politike në zgjedhjet e 30 qershorit./Opinion.al
