Deputeti demokrat, Alfred Rushaj, në fillim të seancës plenare tha se me kërkesë të Partisë Demokratike, kërkon tërheqjen e votimit të ngritjes së Komisionit për Reformën Zgjedhore.
Ai tha se ngritja e komisionit do të bëhet në seancën e radhës.
“Propozoj ta heqim nga rendi i ditës ngritjen e komisionit të posaçëm parlamentar për Reformën Zgjedhore, dhe ta kalojmë në seancën tjetër”- tha Rushaj.
Ndërsa kërkesa e tij u dakordësua në Kuvend.
Kërkesa për ngritjen e këtij Komisioni u bë më 27 tetor nga 10 deputetë të Partisë Demokratike. Qëllimi i këtij komisioni të posaçëm do të jetë hartimi i ndryshimeve kushtetuese dhe adresimi në kuadrin ligjor të rekomandimeve të OSBE/ODIHR-it ./Opinion.al
