Kreu i Grupit Parlamentar të PD-së, Gazment Bardhi ka kërkuar interpelancë me kryeministrin Edi Rama që në nisje të seancës parlamentare.
Ai i kërkoi kryetares së Kuvendit, Elisa Spiropali që të ndërpriste seancën dhe të thërriste kreun e qeverisë.
Nga ana tjetër, Spiropalo u shpreh se për shkak të axhendës së Ramës interpelanca nuk mund të zhvillohet.
Gazment Bardhi: Grupi i PD ka kërkuar interpelancë me kryeministrin Edi Rama për ekzekutimin e një pagese një shume prej 110 mln euro për dikë që kryeministri e ka quajtur mafioz, Pse nuk është përfshirë në rend dite? Kërkesa procedural do duhet të ndërprisni seancën dhe thërrisni kryeministrin.
Çështja që kemi ngritur është madhore për interesin publik, kryeministri tha se nuk do të marrë asnjë lekë nga buxheti i shtetit, Ka marrë më shumë se bonusi i planifikuar nga ju për pensionistët.
Elisa Spiropali: Kërkesa juaj është marrë, është përcjellë në Këshillin e Ministrave dhe Kryeministrit, por për shkak të axhendës së Kryeministrit nuk mund të zhvillohet sot, por do zhvillohet në seancën e radhës.
