Ambasadori amerikan Doland Lu ka dalë kundër kërkesës së PD për të ndryshuar ligjin për zgjedhjen e kryeprokurorit. Përmes një statusi në facebook ai thotë se “”Kushtetuta dhe Ligji i Prokurorisë janë të qarta. Ambasada e SHBA mbështet opinionin ligjor të OPDAT dhe EURALIUS dhënë në Parlament”.
Ditën e hënë të kësaj jave, deputetë të PD dhe LSI kanë depozituar kërkesën në kuvend për të ndryshuar Kushtetutën dhe ligjin, në bazë të të cilit zgjidhet Prokurori i Përgjithshëm.
Qëllimi sipas opozitës është për t’i dhënë fund antikushtetueshmërisë së zgjedhjes së kryeprokurorit. Amendamenti parashikon zgjedhjen e Kryeprokurorit të përkohshëm me 3/5 e votave në Kuvend dhe t’i nënshtrohet Vettingut, derisa të ngrihet KLP.
Rregullat e detajuara për caktimin e prokurorit që do të ushtrojë funksionet e Prokurorit të Përgjithshëm me mandat të përkohshëm dhe afatet për realizimin e procesit të vlerësimit të kandidatëve dhe rivlerësimit kalimtar të tyre përcaktohen me ligj”, thuhet në propozimin e PD.
