PD kërkesë në KQZ për t’u regjistruar në zgjedhjet e 25 prillit

Partia Demokratike i ka kërkuar Komisionit Qendror të Zgjedhjeve regjistrimin për të garuar në zgjedhjet parlamentarë të 25 prillit.

Kërkesa e PD vjen pasi ka arritur të mbledhë firmat e nevojshme për t’u kthyer në Kuvend, një vit pasi dogji mandatet duke dalë nga parlamenti.

Në dokumentin e dërguar nga PD, thuhet se personi përgjegjës për komunikimin e kësaj force politike me KQZ është Ivi Kaso.

Pak ditë më parë Komisioni Qendror i Zgjedhjeve regjistroi 10 partitë e para për zgjedhjet e 25 prillit.  Po ashtu, KQZ pranoi të autorizojë mbledhjen e firmave për dy kandidatë të pavarur.

Ndërkohë, PS, PD, LSI e PR ende nuk janë regjistruar, ndërsa afati për regjistrimin e tyre është deri në 14 shkurt, ndërsa deklarimi i marrëveshjeve për koalicionet ka afat deri në 24 shkurt.

Partitë e regjistruara

1. Partia Drejtësi, Integrim dhe Unitet-Shpëtim Idrizi
2. Bindja Demokratike -Astrit Patozi
3. Lëvizja për Ndryshim Jozefina Topalli
4. Lëvizja Demokratike Shqiptare – Myslym Murrizi
5. Ora e Shqipërisë -Zef Shtjefni
6. Aleanca Demokratike Shqiptare -Eduart Abazi
7. Lëvizja e Legalitetit –  Shpëtim Axhani
8. Balli Komëtar – Adriatik Alimadhi
9. Partia Emigracioni Shqiptar – Kostaq Papa
10. Partia e Reformave Demokratike- Krenar Rryçi./ Opinion.al