TIRANË-Partia Demokratike akuzon ministrin e Brendshëm, Saimir Tahiri se ka fshehur kërkesën e Interpol për arresimin e Frrokut. Akuza vjen pak ditë pas rikthimit ne krye te Interpol-it të Artan Bajraktarit. “Edi Rama dhe Saimir Tahiri po tentojnë të mbyllin zyrtarisht një prej skandaleve më të mëdha të qeverisjes së tyre, siç ishte fshehja e kërkesës së intepol Brukselit për deputetin Mark Frroku.
Rikthimi në punë i shefit të Interpol-it, i cili u nis të bëhej kurban për të marrë përgjegjësinë me vete, dëshmon se Kërkesa e Interpol-it, nuk është fshehur nga ai, por është fshehur nga Ministri i Brendshëm.
Opozita reagoi dhe e bëri publik këtë pakt kriminal që në ditët e para të kësaj afere.
Sot me rikthimin në punë, në të njëjtën detyrë të personit të planifikuar për të luajtur rrolin e rrufe-pritses, del qartë se kërkesa e Interpol Brukselit u fsheh me urdhër të Edi Ramës dhe Saimir Tahirit, pasi Mark Frroku, deputeti i tyre, kishte në dorë dëshminë kryesore për mbylljen e hetimit ndaj Ilir Metës, i cili u akuzua nga radhët e mazhorancës për porositjen e vrasjes së dy deputetëve”, u shpreh sekretari i përgjithshëm i PD-së, Arben Ristani.
