Zëdhënësja e Partisë Demokratike, Ina Zhupa ka akuzuar kryetarin e Bashkisë së Tiranës, Erion Veliaj se ka “vjedhur” këngën e 100 vjetorit të Tiranës.
Në një postim në Facebook, Zhupa shkruan se kënga e Tiranës është kopjuar nga kënga e Londrës.
“Vesi del me shpirtin! Veliaj duhet te vjedh ne cdo fushe! Tirana ne kete 100 vjetor mund te kishte qindra kenge te orkestruara posacerisht per te, duke e nderuar kryeqytetin, duke perfshire edhe motivet tironse pse jo. Por jo, Veliaj zgjodhi qe per 100 vjetor Tiranen ta nderonte me nje vjedhje te rradhes, me kengen e Londres! Pasi kopjoi logon, nuk kishte si mos te kopjonte edhe kolonen zanore nderkohe qe kane shpenzuar mijera euro nga parate e qytetareve te Tiranes. Tirana e vjedhur eshte cdo dite nga Veliaj por skishte nevoje tja u kujtonte edhe per 100 vjetor! Tirana nuk e meriton nje hajdut serial si Veliaj!”, shkruan Zhupa.
Ajo e shoqëron postimin e saj me një video ku krahëson dy versionet.
Disa javë më parë, PD hodhi akuza se edhe logoja e zgjedhur nga Bashkia e Tiranës për 100-vjetorin ishte plagjaturë nga logoja e “Truman”. /Opinion.al
