Partia Demokratike ka theksuar se pas lirimit të Lulzim Berishës nga burgu qëndron kryeministri Edi Rama.
Me anë të një deklarate për mediat, Enkelejd Alibeaj, e ka konsideruar lirimin e parakohëshëm të një prej emrave më të njohur të botës së krimit, si një zhvillim i rëndë, një hapësirë më shumë që merr krimi në kurriz të ligjit dhe rendit.
“Nuk ka asnjë dyshim, se pas kësaj qendron Edi Rama, i cili jo vetëm nuk zbaton ligjin për dekriminalizimin, jo vetëm nuk bën asnjë përpjekje për të garantuar zgjedhje të lira e të ndershme, jo vetëm nuk lufton drogën dhe kartelet e saj, por krejt në të kundërt me këto kërkesa të shqiptarëve, të ndërkombëtarëve, i fron lirinë Lulzim Berishës, i njohur botërisht si kreu i bandës së Durrësit”, tha Alibeaj.
Ai theksoi se kjo bandë, tashmë e prvuar për krimet, për vrasjet, për trafikun e lëndëve ndakotike dhe për angazhimin serioz në krah të Partisë Socialiste dhe Edi Ramës në zgjedhjet e fundit, duke kërcënuar qytetarët e dhunuar votën.
“Edi Rama ka bërtitur me të madhe kundër gjykatësve për gjëra shpesh edhe banale, ose për vendime që nuk i kanë pëlqyer, që kanë qënë kundër interesit të tij, por nuk thotë asnjë fjalë për lirimin e Lulzim Berishës, kreu i bandës famëkeqe të Durrësit”, bën me dije Alibeaj.
Ndër të tjera, ai ka pyetur; pse hesht Edi Rama dhe pse drejtësia qenka në rregull kur lirohet banditi i tij që i siguron vota në Durrës, duke dhunuar qytetarët?
Sipas Alibeajt, këto janë dy standardet e tij, kjo është në fakt drejtësia që kërkon Edi Rama.
“Ta ketë nën kontroll, ta urdhërojë, të jetë nën shërbimin e tij, për interesat e tij, përndaditët e tij”, përfundon deklarata e PD-së.
