Partia Popullore Europiane zhvilloi sot kongresin në Roterdam për të votuar Presidentin Manfred Weber.
Në kongresin e PPE, të gjitha partitë simotra mblidhen për të votuar nëpërmjet delegatëve. Por këtë vit, ndryshe nga herët e tjera, PPE nuk ka regjistruar asnjë delegat për të votuar për presidentin nga PD.
Duket se debatet brenda PD, ka bërë që PPE të mbaj një qëndrim neutral dhe ka zgjedhur të mos ftojë askënd për të shprehur vullnetin e partisë me votë.
Në fakt, në këtë kongres ndodhen tre figuar të PD, por jo si delegatë. Bëhet fjalë për Belind Këlliçin, Albana Vokshin dhe Jorida Tabakun.
Këlliçi ndodhet në këtë kongres si pjesë e forumi rinor EDS, Vokshi si pjesë e forumt të Gruas në PPE dhe Jorida Tabaku është e pranishem për shkak se bën pjesë në Asamblenë Parlamentare të Këshillit të Europës.
Por, pavarësisht se në listën e delegatëve, PPE nuk shënon asnjë emër nga PD, Jorida Tabaku ka publikuar një foto në “Fecabook” nga momenti i votimit, ndërsa shkruan se Ëeber do të mbështesë Partinë Demokratike, që kjo të vazhdojë të jetë pjesë e familjes së PPE.
“Kënaqësi sot të votoja për Presidentin e EPP Manfred Weber! Jam e sigurt që me mbështetjen tij, Partia Demokratike do të vazhdojë të jetë pjesë e familjes së EPP”, shkruan Tabaku.
Por, votimi i Tabakut lejohet vetëm se është pjesë e Asamblesë Parlamentare të Këshillit të Europës, jo si delegate e drejtpërdrejtë e PD, pasi nuk figuron në listën zyrtare të delegatëve.
Edhe Albana Vokshi ka votuar në këtë kongres, por gjithashtu në cilësinë e anëtares së forumit kubën pjesë.
“Ditë e rëndësishme për PPE. PPE ka dhënë mbështetjen e saj me konsensus për Manfred Weber i cili pritet të zgjidhet Presidenti i ri i saj. Në këtë mënyrë, PPE ka vendosur të bashkojë postin e Presidentit me atë të Kryetarit të Grupit Parlamentar të saj në Parlamentin Europian. Nesër votimi për 10 zëvendës presidentët dhe trezorierin e EPP. EPP partnere afatgjatë dhe e besueshme”,-shkruan Vokshi.
Ndërkohë, një ditë më parë PD reagoi duke thënë se PPE ka mbajtur qëndrim neutral dhe se vijon mbështetjen ndaj partisë.
