Dega e Partisë Demokratike në Dibër i është drejtuar KZAZ-së numer 19 , Komisaritatit të Policisë Dibër dhe Bashkisë Dibër, me një letër ku kërkon të ndërpritet procesi i votimeve në territorin e Bashkisë Dibër.
Në letër shkruhet se me shpalljen e dekretit të Presidentit për anulimin e datës së zgjedhjeve, procesi elektoral tashmë është i jashtëligjshëm. Kështu që Partia Demokratike Dibër kërkon që institucionet e administrimit të zgjedhjeve të ndërpresin porcesin e votimeve dhe të lirojnë ambientet e zëna nga KZAZ, GNV, apo QV dhe kthimin e tyre në funksion normal publik, pasi nuk ka bazë ligjore për të mbajtur këto ambiente të zëna.
Në një letër tjetër drejtuar vetëm drejtorisë së policisë së qarkut Dibër, PD lajmëron se nga data 27 Qershor deri më datë 2 korrik do të zhvillojë tubime në të gjithë qarkun e Dibrës për të mbrojtur zbatimin e dekretit të Presidentit për shfuqizimin e datës së zgjedhjeve. Nëpërmjet kësaj letre kryetari Naim Gazidede i kërkon policisë të garantojë mbarëvajtjen e tubimit qytetar. /Opinion.al
