PD e drejtuar nga Enkelejd Alibeaj mund të gjejë as gjuhën e përbashkët brenda grupimit të saj përsa i përketë mënyrës se si do të garojë në zgjedhjet lokale të 14 maijt.
As ditën e djeshme në mbledhjet maratonë, që prej orës 11:00 deri në 02:00 të së dielës me Kolegjin, kandidatët dhe Kryesinë, nuk u arrit dot konsensusi.
Kolegji i Kryetarëve ka pasur diskutime mjaft të gjera ku ka mbizotëruar ideja që të ketë kandidatë në të gjitha bashkitë, ndërsa ka pasur dhe propozime për të pasur marrëveshje me palën tjetër që deri tani nuk është arritur.
Pas diskutimeve me Kolegjin e Kryetarëve dhe kandidatët e propozuar deri më tani, Alibeaj mblodhi Kryesinë dhe për 8 orë kanë zhvilluar debate nëse në zgjedhje do të dalin vetëm me lista për këshilla bashkiakë apo me kandidatë për kryebashkiakë në 61 bashki. Këto debate kanë bërë që mbledhja e Kryesisë të mbyllej pa një vendim përfundimtar për të vijuar sërish sot diskutimet në orën 18:00.
Debate të forta u zhvilluan mes anëtarëve të Kryesisë dhe, Gazement Bardhit. Ky i fundit kërkon që të futen në zgjedhje vetëm me lista për këshilla bashkiakë dhe të dalin me kandidatë për kryebashkiakë vetëm në zonat ku mund të fitohet.
Mbledhja e djeshme u mbyll pa një vendim, por sot do të diskutohet propozimi i Bardhit për të dalë me kandidatë vetëm në disa bashki ku kanë emra që premtojnë fitore, ose në të gjitha bashkitë të dalin me kandidatë dhe të lënë vetëm ato në të cilat është arritur konsensusi në degët lokale për të mbështetur kandidatin e primareve. Ky duket të jetë opsioni më i mundshëm.
Vetë Alibeaj kërkon që të nxjerrin kandidatë për kryebashkiakë në 61 bashki, madje ka thënë se i ka edhe emrat. Të gjendur përballë presionit të kohës, demokratët do duhet të vendosin në mbledhjen e sotme se si do të kandidojnë në këto zgjedhje. Deri më tani Enkelejd Alibeaj ka bërë publikë vetëm 17 kandidatë.
Kandidatët që Alibeaj ka bërë publik deri më tani
- Mallakastër- Agron Kapllanaj
2. Poliçan – Florian Qamo
3. Kuçovë – Ilirjan Koxhaj
4. Kamëz – Bilbil Bajraktari
5. Lezhë – Sandër Marku
6. Krujë – Sabah Sheta
7. Dibër – Naim Gazidede
8. Kurbin- Genc Doçi
9. Dimal- Dritan Sula
10. Patos- Pranvera Rizai
11. Vaut i Dejës- Klomentina Drini
12. Fier -Eriselda Zotaj Çelaj
13. Librazhd -Bujar Vreto
14. Vorë- Ibrahim Bruka
15. Korçë -Gjergji Gjata
16. Sarandë- Skënder Muço
17. Mirditë-Mark Ruçi
