Kryetari i Bashkisë së Mallakastrës, Qerim Ismailaj ka reaguar pas denoncimit nga Partia Demokratike sa i ka qenë i dënuar në Greqi.
Lexo edhe: PD i kërkon Prokurorisë verifikim për kryebashkiakun e Mallakastrës
Në një dalje për mediat teksa po fliste mbi ngjarjen kriminale të ndodhur ditën e djeshme në Mallakastër, Qerimaj tha se “në asnjë rast dhe në asnjë rrethanë” nuk është ndaluar në Greqi.
Ai sqaroi se në Greqi kishte shkuar pasi atje jeton motra e tij se cila sipas tij ka patur problemet e saj familjare.
“Jam i hapur ndaj çdo verifikimi të mundshëm. Unë punoj si kryetar, në shtator të 99 kam punuar në shkollë si mësues” tha Ismailaj.
Më herët Partia Demokratike i ka kërkuar Prokurorisë të verifikojë të kaluarën e Kryebashkiakut të Mallakastrës Qerim Ismailaj. Në kërkesën e Sekretarit të Përgjithshëm të Partisë Demokratike Gazment Bardhi, drejtuar Prokurorisë së Përgjithshme, specifikohet se Qerim Ismailaj, ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak se dyshohet se ka qenë i arrestuar/ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke. /Opinion.al
