Kryesore

PD dorëzon “lustracionin”: Bashkëpunëtorët e Sigurimit të mos kenë funksione publike



Bëhu pjesë e Grupit Zyrtar të Opinion.al
>> KËTU <<
               Publikuar në : 14:27 - 28/09/22 |
Opi Nion

Deputeti i Partisë Demokratike Oerd Bylybakshi së bashku me deputeten Albana Vokshi kanë dorëzuar këtë të mërkurë në Kuvendin e Shqipërisë , sikurse edhe PD kishte njoftuar,  projektligjin për lustracionin.

Në një prononcim për gazetarët, deputeti i PD ka thënë se ky projektligj ka si qëllim që funksionarë të shtetit shqiptar, që kanë qenë bashkëpunëtorë të Sigurimit të Shtetit dhe që kanë kryer aktivitete kriminale të mos kënë më funksione publike.

Është e treta herë që ne e depozitojmë në Parlament këtë projektligj. Ne e depozitojmë me qëllim që në një seri të funksionarëve të shtetit shqiptar, drejtuesit e aparatit të dhunës dhe bashkëpunëtorët e Sigurimit të Shtetit që kanë kryer aktivitete kriminale, të mos jenë më në funksione publike.

Ky është një ligj që shkon në mënyrë serioze deri në fund të këtij problemi duke u pasuruar me një bazë të re kushtetuese. Ne gjykojmë që përputhshmëria është e plotë, është e njëjta bazë kushtetuese e cila vlente që në atë kohë për lustacionin.

Ky është një ligj që miratohet me 3/5 e Parlamentit. Kemi huazuar dispozita nga ligji i dekriminalizimit. Ne siç e kemi premtuar, vijmë me këtë ligj i cili jo vetëm që garanton hapjen e dosjeve, çdo qytetar ka të drejtë të hapë çdo dosje të vetë, por secili të marrë vesh se kush është presekutori i tij. Nëse miratohet, ky ligj do të jetë në fuqi deri në vitin 2027.

Kushdo që ka qenë pjesë e strukturave kriminale të komunizmit nuk ka për të pasur të drejtë të marrë funksione publike për një periudhë të caktuar, ata që janë do të largohen. PS ky ligj i dhemb dhe 2 herë e ka hedhur poshtë në Gjykatë Kushtetuese. PS është trashëgimtarja e Partisë së Punës, e të gjithë atij sistemi kriminal. Nëse ligji i lustracionit do të ishte lënë të funksion, ne do të kishim një qeverisje tjetër demokratike.

Ky është një ligj i plotë, serioz dhe të gjitha ato propozime të tjera që janë aty, janë të pambështetshme por jam i sigurtë që ky projektligj bën bashkë vullnetin politik të demokratëve”u shpreh Bylykbashi./Opinion.al

Pas