Pasi refuzoi të votonte ligjin për “vettingun”, i miratuar sot me 88 vota të mazhorancës, Partia Demokratike do ta dërgojë në Gjykatën Kushtetuese këtë ligj, të cilin e cilëson antikushtetues.
Deputeti Eduard Halimi, në emër të grupit parlamentar të PD-së tha se opozita do ta çojë në Kushtetuese “vettingun” teksa kërkoi që mazhoranca t’i përmbahej pikërisht Kushtetutës së 22 Korrikut.
“Projektligji i sjellë sot nga qeveria është jashtë çdo konsensusi; çdo standardi europian dhe dhunon kushtetutën e vendit. Ky projektligj dhunon hapur Kushtetutën e 22 korrikut dhe miratimi i tij në mënyrë të njëasnhme, pa konsensus rrezikon dështimin e reformës, për të cilin fajtor njësoj si me Byronë do të jetë Rama”, tha Halimi.
Halimi: Nuk e votojmë “vettingun”, të zbatohet Kushtetuta e 22 Korrikut
