Sekretari i Përgjithshëm i Partisë Demokratike, Gazment Bardhi, është shprehur se selia blu disponon përgjime të tjera të pa publikuara më parë, të cilat lidhen me dosjet 339 dhe 184.
Bardhi tha se këto informacione janë duke u verifikuar dhe në moment që ato do të jenë gati do të publikohen nga PD.
Sipas tij, këto përgjime janë dëshmi të cilat lidhin qeverinë dhe vet kryeministrin Edi Rama me faktorë kriminal dhe korruptiv.
Gazment Bardhi: Ju kam thënë që po PD disponon informacione që i ka në proces verifikimi. Duhet të kuptoni që nuk është detyrë e PD-së të kryejë hetime. Po kemi në proces verifikim informacione që dëshmojnë krim dhe korrupsion në kupolën më të lartë të qeverisë së Ramës.
Mirela Milori: Cilët, ministra?
Gazment Bardhi: Nuk ka rëndësi. Edhe kryeministri. Kupola më e lartë është kryeministri. Ky nuk është sekret sepse ta ka thënë gazeta prestigjioze Bild. Ka thënë “kryeministri është kapur në përgjime duke bërë Pazar në dosjen 184. Ta ka thënë gazeta e madhe evropiane. Gazetarët evropianë flasin me fakte.
Mirela Milori: E keni ju faktin, përgjimin konkret se zoti Rama është i përfshirë?
Gazment Bardhi: Ne kemi informacionin dhe e kemi thënë edhe më parë se Edi Rama është i ëprfshirë në dosje që ndohen në prokurori. Jemi në proces verifikimi dhe dokumentimi./Opinion.al E.Xh.
