Këshilli bashkiak i Durrësit, i mbledhur mbrëmjen e djeshme ka patur debate të forta për rritjen e çmimit të ujit të pijshëm me 15%.
Asnjë nga këshilltarët nuk ishte njohur me relacionin që u fut në momentin e fundit të rendit të ditës dhe për këtë arsye PD dhe LSI votuan kundër, gjë që solli mosmiratimin e saj.
Kësisoj u rrëzua propozimi i Bashkisë që drejtohet nga socialisti Vangjush Dako.
Debate krijuan edhe 7 pikat e para të rendit të ditës, ku këshilltarët demokratë votuan kundër.
Kjo nuk është hera e parë që LSI bashkon votat me PD-në në këshillat bashkiakë.
/Opinion.al
