Partia Demokratike ka dërguar një letër në Departamentin Amerikan të Shtetit, për të kundërshtuar zgjedhjet e 11 majit.
Dokumenti që mban datën 16 maj i është dërguar kompanisë së saj lobuese në Amerikë, Continental Strategy dhe regjistruar pranë Departamentit të Drejtësisë të SHBA.
Në dokument, Partia Demokratike ka renditur disa prej problematikave të hasura gjatë procesit zgjedhor.
Sipas PD, zgjedhjet dështuan të sigurojnë një mjedis të drejtë dhe të lirë për votuesit, për të bërë zgjedhje të informuara.
Demkkratët akuzojnë gjithashtu se gjatë fushatës janë përdorur miliona euro nga buxheti i shtetit për qëllime elektorale.
”Janë shpërndarë bonuse për pensionistët, janë dhënë licenca për kultivim kanabisi dhe janë punësuar mijëra persona në administratë në këmbim të votës. Për më tepër, ndalimi i TikTok-ut dhe kapja e mediave përmenden si mjete për të shtypur zërat kritikë dhe për të manipuluar opinionin publik”, thuhet në raport.
Po ashtu në raport përmendet përfshirja e grupeve kriminale në procesin zgjedhor.
”Në 10 nga 12 qarqe të vendit, banda të njohura si grupi “Xhabafti”, “Bajri” , “Çela”, “Poja” thuhet se kanë vepruar për llogari të Partisë Socialiste, nën koordinimin e drejtpërdrejtë nga Kryeministria”, thuhet në raport.
