Partia Demokratike ka depozituar pranë KQZ kërkesë ankimore për të kundërshtuar vendimin e Komisionerit për miratimin e tabelave përmbledhëse me rezultatin e zgjedhjeve në Qarkun e Korçës, pavlefshmerinë e zgjedhjeve në këtë zonë zgjedhore si dhe përsëritjen e tyre në këtë qark.
Sipas tvklan, kjo është kërkesa e tretë ankimore pas asaj të dorëzuar për Qarkun e Kukësit në datën 23 Maj dhe Beratit në 26 Maj.
Në qarkun e Korçës, PD-ASHM kanë siguruar 4 mandate, teksa Partia Socialiste kryeson me 6 mandate.
Koalicioni opozitar, siç pohoi dhe kreu i Partisë Demokratike, Sali Berisha, do të ndjekë këtë praktikë për të 12 qarqet.
