Kryetari i Grupit Parlamentar të Partisë Demokratike, Edmond Spaho, ka akuzuar edhe njëherë Edi Ramën se ka ndërtuar një skemë për të zvarritur hetimet ndaj Saimir Tahirit me shpresë për të shpëtuar atë dhe veten nga burgu.
Sipas Spahos, kjo është edhe arsyeja përse “Sot, ushtarët e Edi Ramës në konferencën e kryetarëve refuzuan ngritjen pa vonesë të komisionit hetimor për Saimir Tahirin.”
“Në përpjekje për ta zvarritur sërish të drejtën kushtetuese të opozitës për të kontrolluar qeverisjen, që në këtë rast ëhstë bashkëqeverisje me bandat, Partia Pocialiste kërkoi kohë për t’u njohur me kërkesën tonë për komision hetimor.
Pasi e bllokuan për gati një vit hetimin nga parlamenti të veprimeve të Saimir Sahirit dhe Edi Ramës për trafikun e drogës, duke mos na vënë në dispozicion asnjë dokument, kërkuan që të njihen me ndryshimet që ne kemi paraqitur në kërkesën për komision hetimor, megjithëse kërkesa është depozituar që në datën 1 Shkurt 2019.”
Spahoi renditi më poshtë edhe kërkesat që grupi parlamentar i PD-së ka paraqitur për ngritjen e këtij komisioni që janë; koha e hetimit, nga 6 muaj të bëhet 3 muaj; numri i deputetëve nga 9 të bëhet 11, si edhe në ngushtimin e kohës për të cilën do të hetohet, nga e papërcaktuar, në 2014-2018. “ tha Spaho. D.l
