Partia Demokratike, ngriti akuza sot ndaj drejtueses së Prokurorisë së Krimeve të Rënda, Donika Prela, si të kapur në përgjimet e dosjes 339, ku përfshihen Abdylajt.
Deklaratën e bëri deputeti i PD-së, Enkelejd Alibeaj, i cili tha së në dosje ka dokumenta që provojnë miliona lekë të pajustifikuara nga pasuria e saj.
Alibeaj i ka kërkuar Komisioni të Pavarur të Kualifikimit që përpara se të japë vendimin për Prelën, fillimisht të verifikojë kamerat nëse në muajin nëntor-dhjetor Donika Prela a është takuar me anëtaren e Vettingut Valbona Sanxhaktarin dhe a është pjesë e dosjes 339, duke u kapur në përgjim me Astrit Avdylajn.
Përgjigjen lidhur mbi këto pyetje e kanë dhënë prokurorët e dosjes 339.
Në një deklaratë të shpërndarë për mediat, prokurorët Vladinir Mara dhe Dritan Premçi, rrëzuan pretendimet e PD-së.
“Në lidhje me njoftimin publik të bërë të diur në konferencën për shtyp dt 28.01.2019 nga zoti Enkeleid Alibeaj, në selinë e Partisë Demokratike, se Drejtuesja e Prokurorisë së Krimeve të Rënda znj. Donika Prela, rezulton e përfshirë në përgjimet e dosjes 339 në komunikim me antarë të grupit Avdylaj, ju bëjmë me dije se faktet e deklraruara janë të pavërteta”. D.l
