Partia Demokratike në një postim në rrjetet sociale shkruan se i përfshirë në aferën e inceneratorëve është dhe zvendës/kryeministri, Arben Ahmetaj.
PD thotë se administratori i kompanisë së Inceneratorit të Fierit ka qenë punonjës dhe përfaqësues ligjor i Kompanisë “Hermes Communication”, në pronësi të z. Arben Ahmetaj.
Më tej PD shkruan se kompania e inceneratorëve në kohën e pandemisë ka përfituar edhe 69 mln lekë nga fondi i garancisë sovrane për të paguar paga mijëra euro.
“Në Komisionin hetimor të inceneratorëve u zbulua se si skema e pastrimit të parave është zbatuar nga 10 persona që kanë qenë bashkëpunëtorë të hershëm me njeri-tjetrin dhe me zv/kryeministrin Arben Ahmetaj. Administratori i kompanisë së Inceneratorit të Fierit ka qenë punonjës dhe përfaqësues ligjor i Kompanisë “Hermes Communication”, në pronësi të z. Arben Ahmetaj dhe pse ai u mundua ta mohojë në komision. Klodian Zoto pagoi veten me dy kompanitë e tij 23 milionë Euro për punë që nuk janë kryer. Inceneratori ka marrë 20 milionë euro paradhënie deri në vitin 2019 kur nuk ka punuar. Asnjë nga këto nuk do të ishte bërë pa mbështetjen e Edi Ramës. Edi Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!”, thotë PD në reagim./Opinion.al
