Kompania shumëkombëshe e teknologjisë financiare me bazë në SHBA, PayPal, tha se do të reduktojë fuqinë e saj punëtore globale me rreth 9 për qind, ose 2.500 vende pune.
“Jemi duke bërë këtë për të përcaktuar përmasat e duhura të biznesit tonë, që do të na mundësojë të lëvizim me shpejtësinë e nevojshme për klientët tanë dhe që të nxisim një rritje fitimprurëse”, tha në një deklaratë kreu dhe CEO i kompanisë, Alex Chriss.
PayPal, i cili operon një sistem pagesash në internet, shënoi rënie të çmimit të aksioneve të tij me 0,16 për qind.
Dhjetëra kompani në sektorin e teknologjisë amerikane kanë shkurtuar vendet e punës që nga tremujori i fundit i vitit të kaluar, pasi ato luftojnë me të ardhura më të ulëta dhe rënie të të ardhurave nga reklamat.
Uber, Reddit, Disney, 3M, Amazon, Yahoo, Affirm, Zoom, Dell, IBM, Microsoft, Salesforce, PayPal dhe kompania mëmë e Google, Alphabet, kanë pushuar nga puna me mijëra punëtorë që nga tremujori i fundit i 2023./Opinion.al
