Teksa po komenton progres-raportin e KE për integrimin, kryeministri Rama është pyetur nga gazetarët për hetimin e patronazhistëve. Ai tha se është krenar për patronazhistët tani më shumë se para zgjedhjeve.
“Jam shumë krenar edhe më shumë seç isha përpara zgjedhjeve,. Pa ta nuk do të ishin një makineri e pathyeshme, por thjesht një foltore. Raporti flet për pretendime që po hetohen as për patronazhistë as për socialistë. Janë pretendime që po hetohen. Nuk do të zgjatem më tutje për të thënë që s’ka pasur asnjë keqpërdorim për asnjë të dhënë personale. Për shumë vende të BE-së kur flet për kartën e identitetit flet për të dhëna intime për personin, karta jonë nuk është e tillë. Të dhënat e target kanë qenë në internet prej vitesh, së treti ato nuk janë të vlefshme dhe nuk kanë asnjë peshë dhe nuk duhen në punën e patronazhistëve. Për çfarë duhet numri i kartës. Për këtë arsye nuk kemi pasur këto element, le t’i hetojnë, nuk ka problem. Jam shumë krenar, edhe më krenar seç ishim para zgjedhjeve, do kishim marrë 77 mandate nëse ata që na kanë votuar nuk do të kishin ngatërruar numrin e deputetëve me të partisë”, tha Rama.
