Kordinatori i Bindjes Demokratike, Astrit Patozi e cilëson si antikushtetues vendimin e kreut të shtetit për të shfuqizuar datën e zgjedhjeve dhe krejtësisht politik.
“Është edhe kundër kushtetutës, edhe kundër frymës, edhe kundër precedentit por edhe kundër logjikës” tha Patozi për mediat.
Ai e akuzon kreun e shtetit se me këtë hap u zhvesh nga detyrimi i tij kushtetues për të qëndruar mbi palët dhe u bë njësh me opozitën.
Ai e akuzon presidentin se doli jashtë kornizës kushtetuese dhe nuk qëndroi mbi palët duke u bërë kështu njësh me opozitën.
“Presidenti që futet në fushe më kostum lojtari sigurisht që shkel kushtetutën” shtoi ai.
Për Patozin, vendimi i Metës erdhi në kundërshtim me qëndrimin e zv/Ndihmës Sekretarit Amerikan të Shtetit, i cili në një intervistë deklaroi se nëse protesta e të shtunës do të ishte e dhunshme përgjegjësia do të ishte direkte e Lulzim Bashës dhe Monika Kryemadhit. Madje kjo sipas tij përbën një arsye më shumë që qytetarët ti drejtohen kutive të votimit më 30 qershor. /Opinion.al
