Partia Demokratike kërkoi sot që shefja e prokurorisë së Krimeve të Rënda duhet të largohet nga detyra si dhe të arrestohet bashkëshorti i saj pasi nuk ka paguar taksat. Donika Prela është duke iu nënshtruar vetingut, dhe gjatë seancës dëgjimore u paraqiten problemet e saj me pasurinë. “Më lë një shije të hidhur mospagesa e taksave”, do të shprehej Teo Jakobs, përfaqësuesi i huaj në komisionin e vetingut.
Nisur nga verejtja e Jabobs, Sekretari për Çështjet Ligjore në PD, Çlirim Gjata tha se tashmë që u zbulua se bashkëshorti i Prelës nuk ka paguar taksat duhet të shkarkohet nga detyra. Jo vetëm kaq, Gjata thotë se bashkëshorti i saj duhet të vihet në pranga.
“Po zbatohet një standard i dyfishtë, në trajtimin e biznesmenëve para ligjit. Pse për bashkëshortin e Perlës, njishi i drejtësisë, që duhet te zbatojë ligjin e para, nuk zbatohet? Bashkëshorti i saj falet kur s’paguajnë taksat. Pse disa biznesmenë u arrestuan pak ditë më parë për çështje taksash? Pse falet në këtë mënyrë? Sepse ka dosje që mban mbyllur në favor të pushtetit, duke filluar nga dosja 339, ku personalitete janë janë kapur në përgjime për blerje votash. Këto janë shkaqet pse politika dhe kryeministri ndërhyn fort”, u shpreh Gjata./Ri-De
