Rikthehet në vemendje emri i Durim Bamit. Ai njihet si vrasësi i supozuar i Tom Doshit. Rreth dy vite më parë u shfaq në një video, ku tregonte se ishte paguar për të vrarë Tom Doshin dhe Mhill Fufin. Durim Bami është në arrest shtëpie për deklarim të rrem në çështjen ‘Doshi’. Por edhe pse rezulton i papunë dhe nëpër gjyqe, Durim Bami rezulton të jetë milioner. Për këtë kanë nisur hetimet me akuzën e pastrimit të parave. Këtë të martë ai duhet të dilte në Gjykatën e Krujës, por kjo gjykatë shpalli moskompetecë për këtë gjykim. Ndërkohë që i pandehuri Durim Bami e ka ankimuar vendimin në gjykatën e Apelit të Durrësit.
Hetimet
Në muajin qershor të vitit 2016 prokuroria e Krujës dërgoi në gjyq Bamin për akuzën e pastrimit të parave. Ai ka kryer tranaskione parash në shuma që nuk i justifikon, raporton Tv Klan.
Nga hetimi, ka rezultuar se Bami ka lidhur kontrata për shitblerjen dhe qiradhënien e disa pasurive, në zyra noteriale të ndryshme. Nga viti 2011 deri në vitin 2015 Bami ka dhënë hua dhe ka blerë një apartament në vlerën e 15.6 milion lekëve të reja.
Por shumën e blerjes se apartamentit ai nuk ka mundur ta justifikoje. Prokuroria dyshon se këto para vijnë nga aktivitete të paligjshme, pasi ai nuk ka pasur asnjë të ardhur të ligjshme gjatë këtyre viteve. Sipas hetuesve, nëpërmjet këmbimit apo transferimit, ai ka tentuar të fshehë pasurinë.
