Një pastor ukrainas po shërben vullnetarisht si komandant batalioni, per 120 ushtarë ukrainas që po mbrojnë vendin e tyre nga agresioni rus.
Oleg Magdych, deklaroi për CNN se batalioni i tij po zhvendoset në Ukrainën jugore pas luftimeve në veri të Kievit.
Ai deklaroi se shumica e ushtarëve ishin civilë para luftës dhe janë trajnuar për disa javë.
“80% e njësive të mia janë njerëz që nuk kanë mbajtur kurrë një armë në dorë në jetën e tyre. Ata janë shoferë të zakonshëm kamionësh, juristë”, tha Magdych.
Pavarësisht të gjithave ai shprehet se s’ka patur asnjë lëndim në batalionin e tij dhe shton se shumë ushtarë u mësuan shpejt pasi luftimet filluan. “Ditët e para, ata përpiqeshin të debatonin me mua duke thënë pse nuk duhet të bënin atë që unë u thoja të bënin, si gërmimi i llogoreve. Por pas granatimeve të para, të gjithë duan të hapin llogore.”, tha Magdych.
Magdych, babai i dy fëmijëve nuk lë pa përmendur edhe vlerësimin ndaj bashkëshortes së tij e cila gjithashtu ishte në ndihmë të shtetasve ukrainas me ushqim dhe strehim si dhe dpo punon me gra dhe fëmijë për të ndihmuar në ofrimin e ndihmës psikologjike.“Ajo është heroina im. Ajo nuk donte të shkonte në Evropë, por vendosi të qëndrojë në Ukrainë dhe të presë fitoren”, tha ai.
Djali i tyre më i vogël i është bashkuar Forcave të Mbrojtjes Territoriale që mbrojnë Ukrainën perëndimore, por dëshiron që t’i bashkohet atij.
“I thashë se ai ka një detyrë më të rëndësishme. Ai duhet të kujdeset për nënën e tij. Pra, kjo është ajo që ai po bën për momentin”- shprehet Magdych.
