Bota

Pasojat nga COVID-19, Biden propozon paketë masive të ndihmës ekonomike


Bëhu pjesë e Grupit Zyrtar të Opinion.al
>> KËTU <<
               Publikuar në : 08:11 - 15/01/21 |
Opi Nion

Presidenti i zgjedhur i Shteteve të Bashkuara, Joe Biden, ka deklaruar se pas marrjes zyrtarisht të detyrës më 20 janar, do të ketë një tjetër paketë ndihme për qytetarët dhe bizneset për t’iu përgjigjur krizës së shkaktuar nga pandemia COVID-19.

Biden theksoi se qytetarët amerikanë po vuajnë dhe se nuk duhet humbur më shumë kohë në adresimin e problemeve.

 “Nuk është e vështirë të shohësh se jemi në mes të një krize ekonomike, që ndodh një herë në disa breza, së bashku me një krizë të shëndetit publik, që ndodh një herë në disa breza”, tha Biden.

Paketa e ndihmës përfshin 415 miliardë dollarë për të forcuar përgjigjen ndaj virusit dhe shpërndarjen e vaksinave, rreth 1 trilion dollarë ndihmë të drejtpërdrejtë për familjet dhe afërsisht 440 miliardë dollarë për bizneset e vogla dhe komunitetet që janë goditur veçanërisht nga pandemia.

Shanset që ky plan të fitojë mbështetjen në Kongres, janë të paqarta. Shumë republikanë kanë kundërshtuar përdorimin e parave të huazuara për të paguar stimulin.

Por, kontrolli i porsafituar i demokratëve si në Dhomën e Përfaqësuesve, ashtu edhe në Senat, ka të ngjarë të ndihmojë planin për t’u miratuar.

Biden pranoi se propozimi i tij “nuk vjen me çmim të lirë”, por tha se nëse bëhen më shumë shpenzime tani, do të zvogëlohej dëmi afatgjatë ekonomik, i shkaktuar nga pandemia e koronavirusit.

Sipas të dhënave të Universitetit Johns Hopkins, koronavirusi iu ka marrë jetën mbi 385,000 personave  në SHBA.

Pas