Mbretëria e Bashkuar po përballet me recesion për herë të parë në 11 vjet, për shkak të pandemisë Covid.
Ekonomia e këtij shteti është tkurrur në një rekord prej 20 për qind në periudhën prill-qershor, kur masat e izolimit për shkak të koronavirusit kanë qenë më të ashprat.
Të dhënat zyrtare tregojnë se kjo është tkurrja më e fortë që është raportuar nga ndonjë ekonomi tjetër e madhe.
Ekonomia e Mbretërisë së Bashkuar konsiderohet e gjashta për nga madhësia në botë.
Zyra Kombëtare e Statistikave ka thënë se megjithatë ka pasur shenja për rimëkëmbje në muajin qershor, kur rritja e bruto-prodhimit të brendshëm është rritur për 8.7 për qind në krahasim me muajin maj./Opinion.al
