Teksa kemi hyrë zyrtarisht në stinën e verës dhe Kampionati i Botërorit Rusi 2018 ka zënë hapësirat mediatike, emisioni “Opinion” vazhdon transmetimin e tij normalisht në të njëjtat fash-orare si më parë, por duke ardhur me tema më soft.
Duke qenë se zhvillimet nga politika dhe aktualiteti kanë qenë të vakëta, ‘Opinion’ ka trajtuar në dy emisione gjatë kësaj jave tema jashtë aktualitetit; pasionet për udhëtimet dhe atë për jetesën në fshat.
Por që në nisje të javës vëmendjen ja ka kushtuar shembjes së Teatrit Kombëtar dhe debatit që “vlon” prej muajsh mes artistëve dhe institucioneve shtetërore (qeverisë).
Sa i përket audiencës duket se ka një tkurrje të saj, pasi vëmendja siç edhe e thashë më lartë është tek Botërori Rusi 2018, por pavarësisht kësaj ‘Opinion’ ka audiencën e tij besnike dhe ata që ndoshta sporti nuk ju intereson në masë.
Këtë javë tema më e ndjekur dhe që ka marrë audiencën më të madhe është ajo i ditës së martë ku u fol për jetesën në fshat dhe pasionin për të jetuar larg qyteteve të zhurmshme.
Kurse emisioni që mori vëmendjen më të vogël ishte ai i dietës së enjte ku në ‘Opinion’ u transmetua një dossier për marrëdhënien e shqiptarëve me austriakët: “Miqësia e panjohur e austriakëve”.
***
Mbrëmjen e të hënës në emisionin “Opinion” u trajtua një nga çështjet më të diskutuara në këto dy muaj, shembja e Teatrit Kombëtar. “Ç’do të ndodhë me Teatrin”, ishte tema e emisionit dhe pyetja që u ngrit për të ftuarit në studio. Audienca mesatare ditën e hënë ishte 27.7% dhe audienca maksimale ka arritur në 38.2%.
Mbrëmjen e të martës në emisionin “Opinion” u fol për një temë tepër interesante: “Pasion për fshatin”. Audienca mesatare 34.8% dhe audienca maksimale 40.3%, duke shënuar kështu emisionin më të ndjekur të javës.
Mbrëmjet e të mërkurës në ‘Opinion’ u fol për pasionin për udhëtimet dhe dëshirën për të njohur botën. Audienca mesatare këtë mbrëmje ishte 30.3%, ndërsa ajo maksimale 36.1%.
Të enjten në mbrëmje në ‘Opinion’ u transmetua një emision dossier kushtuar marrëdhënieve të me Austrinë, “Miqësia e panjohur e austriakëve”. Audienca mesatare ishte 13.3% dhe audienca maksimale 18.0%./Gerta Zaimaj-opinion.al©
