Nga një uragan i kategorisë së pestë, që shkatërroi ishujt Bahamas për 10 ditë rresht me shira të rrëmbyer dhe erëra deri në 320 km/h, uragani “Dorian” ka goditur Kanadanë.
Erërat e uraganit që kapin një shpejtësi prej 160 km/orë, kanë goditur provincën Nova Scotia ku kanë rrëzuar shumë pemë dhe kanë bllokuar shumë rrugë.
Siç raportohet deri më tani, edhe pse banorët e Nova Scotias i kishin marrë masat, rreth 450.000 shtëpi kanë mbetur pa energji elektrike.
Ndërkaq Bahamasi mbetet vendi më i prekur nga uragani ‘Dorian’ dhe numri i të vdekurve ka shkuar në 43, por pritet që bilanci të jetë edhe më tragjik për shkak të numrit të lartë të të zhdukurve.
90% e shtëpive, ndërtesave por edhe infrastrukurës së Bahamasit është shkatërruar totalisht dhe për rindërtimin e ishujve do të nevojiten miliarda dollarë./Opinion.al
