Dua Lipa ishte padyshim triumfi i mbrëmjes së djeshme në “Brit Awards”. Ajo mori me vete në shtëpi 2 çmime, dhe nuk ka se si të mos ndihet krenare për veten. Mirëpo nuk mund të mungonte as fjalimi i saj pas fitores. Ajo mbajti një fjalim të shkurtër dhe emocionues i cili nuk u kalua lehtë.
“Dua të falenderoj çdo femër që ka qenë në këtë skenë përpara meje, që i ka dhënë vajzave si unë, jo vetëm vajzave në industrinë e muzikës, por çdo vajze në shoqëri, një vend për t’u frymëzuar, për t’u marrë si shembull dhe që na lejoi të ëndërronim.
Faleminderit shumë. Kjo është për më shumë femra në këtë skenë, për më shumë fituese femra dhe më shumë femra që mbizotërojnë botën.”, u shpreh këngëtarja.
