Gjatë fjalës së tij në seancën e sotme të Parlamentit Shqiptar, i mbledhur për ligjin e “vettingut”, ish-kryeministri Sali Berisha pasi ka folur për emergjencën e drogës dhe kanabisit në vend, nuk ka kursyer batutat për Kryeminnistrin Edi Rama.
Në momentin kur mbërriti në sallë kryeministri Rama, Beriusha iu drejtua: “U ktheve zotërote! Urime për Ndokën (Arben). Desha të të uroj për Ndokën që e bërë President (te Mundjes)”.
Duke folur po për reformën në Drejtës, Berisha i tha Ramës “se do t’ia thyente turinjtë, sikurse herët e tjera”
“Opozita ka dy vjet që lufton për konsensusin dhe ti kërkon ta prishësh. Ne s’po themi mos t’i përmbahemi ligjeve, por amendamenteve. Hajde të bëjmë ligjin. Ti e ke penguar konsensusin. Kemi dy vjet që t’i thyejmë turinjtë dhe do t’i thyej edhe tani”, tha Berisha.
Ka qënë Kryeparlamentari Meta më pas, ai që i ka kërkuar Berishës të ruajë etikën.
Por Berisha foli sërish duke sqaruar se “do t’ia thyente turinjtë” Ramës përmes Komisionit të Venecias, gjithmonë referuar mosdakordësive mes palëve për reformën në drejtësi.
