Kryepeshkopi i Shqipërisë, Anastas Janullatos iu ka uruar besimtarëve ortodoksë, Pashkët, ndonëse këto nuk janë kremtime të zakonshme për shkak të situatës së krijuar nga pandemia e COVID-19.
Janullatos ka dhënë mesazhin e tij në shqip, dhe mes të tjerash ka theksuar se sivjet nuk do të mund ta transmetojmë dritën e ngjalljes, ndaj le të transmetojmë dritën e shpresës për të mos pasur frikë.
“Pashkë të mbarë vëllezër dhe motra! Befasisë dhe shqetësimit që shkaktoi kjo pandemi le ti kundërvëmë të mospasurit frikë që na fal Krishti i kryqëzuar dhe i ngjallur. Një mos pasje frikë dhe solidaritet. Sivjet nuk do të mund ta transmetojmë dritën e ngjalljes, le të transmetojmë dritën e shpresës për të mos pasur frikë. Krishti u ngjall!”, shprehet Janullatos. /Opinion.al
