Gazetari Blendi Fevziu së bashku me ekipin e emisionit “Opinion” ndodhen mes Arbëreshëve në ‘Piana Degli Albanesi’ në festën e Pashkës, teksa ka përcjellë nga afër atmosferën nga atje.
Fevziu në një intervistë të shkurtër edhe me Rosario Pettam, Kryetari i Bashkisë në “Piana dei Albanesi” zbulon detaje nga festimet e kësaj feste.
Në komunën e Arbëreshëve traditat ruhen me rigorozitet, ku sot në ditën e Pashkës janë të shumtë shqiptarët që marrin pjesë në meshën e mbajtur në ‘Piana degli Albanesi’ si dhe në paradën e organizuar.
Blendi Fevziu: Kryetar, sa veta do të jenë sot në paradë?
Rosario Pettam, Kryetari i Bashkisë në “Piana dei Albanesi”: Ju falenderojmë të gjithëve që jeni sot këtu bashkë me në. Gëzuar Pashët të gjithë ju që na shihni. Sot presim të jenë rreth 400 vajza që kanë marrë iniciativën të vishen brenda dhe janë 400 familje.
Blendi Fevziu: Sa kushton një kostum arbëresh?
Rosario Pettam, Kryetari i Bashkisë në “Piana dei Albanesi”: 30 mijë kushton e gjitha kjo e madhja.
Ditën e sotme mijëra besimtarë të krishterë në mbarë vendin kremtojnë festën e Pashkës, ringjalljen e Jezu Krishtit.
Meshat u mbajtën mbrëmjen e djeshme në të gjitha kishat ortodokse dhe ato katolike të vendit. Në kryeqytet, meshat u mbajtën në Katedralen Katolike të “Shën Palit” dhe në Katedralen Ortodokse “Ngjallja e Krishtit” në Tiranë, teksa festimet vazhdojnë edhe ditën e sotme.
